നമ്മുടെ നാട്ടിലും ഉണ്ട് ചരിത്രപ്രാധാന്യമുള്ള രണ്ട് റെയിവേസ്റ്റേഷനുകൾ. ഒന്ന് എറണാകുളത്തുതന്നെ ഹൈക്കോടതിക്ക് സമീപമുള്ള ‘ഓൾഡ് റെയിൽ‌വേസ്റ്റേഷൻ’ വൈക്കം സത്യാഗ്രഹത്തിൽ പങ്കെടുക്കുന്നവരെ അനുമോദിക്കാൻ മഹാത്മജി വന്നിറങ്ങിയ റെയിൽ‌വേസ്റ്റേഷൻ. ഇന്ന് അതിന്റെ കിടപ്പ് കാണേണ്ടതുതന്നെ. മുഴുവൻ കാടുപിടിച്ച്. എറണാകുളത്തുനിന്നും ബോട്ടിലാണത്രെ അദ്ദേഹം വൈക്കത്ത് എത്തിയത്. വൈക്കത്തെ ആ ബോട്ട് ജെട്ടി ഇപ്പോൾ ഉപയോഗത്തിലുണ്ടെങ്കിലും നാശോന്മുഖമാണ്.

പിന്നൊന്ന് മൂന്നാറിലെ റെയിൽ‌വേസ്റ്റേഷൻ. 1902 മുതൽ 1924 വരെ ഇതു പ്രവർത്തിച്ചിരുന്നു. 1924ലെ ഒരു വെള്ളപ്പൊക്കത്തിൽ പാളങ്ങൾ പലയിടങ്ങളിലും ഒലിച്ചുപോയി. അതോടെ ഇതും നിന്നു. ടോപ്പ് സ്റ്റേഷനിൽ ഇതിന്റെ അവശിഷ്ടങ്ങൾ ഇപ്പോളും ഉണ്ട്.