ഈ വിഷയം ഫേസ്‌ബുക്കിൽ വലിയൊരു ചർച്ചയാക്കി (ഇവിടെ ക്ലിക്ക് ചെയ്താൽ ചർച്ച കാണാം.)അതിന് പ്രതിവിധിക്കായി സഹകരിക്കുന്ന ‘തിരു വല്ലഭൻ’ എന്റെ സുഹൃത്തും കെ.എസ്.ഈ.ബി.യിൽ എഞ്ചിനീയറുമാണ്. സമൂഹത്തിന്റെ എല്ലാ തുറയിലും നല്ല ആളുകളും ചീത്ത ആളുകളും ഉണ്ട്. സർക്കാർ സ്ഥാപനങ്ങളാകുമ്പോൾ നിയമത്തിന്റെ കടുത്ത വഴികളിലൂടെ നമ്മൾക്ക് കടന്ന് പോയേ പറ്റൂ. അത്തരത്തിൽ ഒരു അനുഭവമായി ഇതിനെ കാണാൻ എനിക്ക് തീർച്ചയായും സാധിക്കും. എന്നിരുന്നാലും ഈ സംഭവത്തിന്റെ അന്യായം സമൂഹത്തിൽ തുറന്ന് കാണിക്കേണ്ടതും അതിനൊരു പ്രതിവിധി ഉണ്ടാക്കി ഇനിയൊരാൾക്ക് പോലും ഇത്തരം അനുഭവം ഉണ്ടാകാതിരിക്കാൻ വേണ്ടി പ്രവർത്തിക്കണമെന്നുള്ളതും എന്റെ കടമയായി കൂടെ കാണുന്നു. അതിന്റെ ഭാഗമായാണ് ഈ ലേഖനം എന്ന് മനസ്സിലാക്കുക. ഈ ലേഖനം എത്തേണ്ടിടത്ത് എത്തിയിട്ടുണ്ട്. തീർച്ചയായും തെറ്റ് തിരുത്തപ്പെടും എന്ന് തന്നെ വിശ്വസിക്കുന്നു. എല്ലാവർക്കും നന്ദി.