Monthly Archives: August 2008

Jelly-Fish

ജെല്ലി ഫിഷ്



കുട്ടിക്കാലത്ത്, ജെല്ലി ഫിഷിന്റെ ചില വകഭേദങ്ങളെ വീടിനരികിലുള്ള തോട്ടിലെല്ലാം കണ്ടിട്ടുണ്ട്. അന്നതിനെ ‘പോള‘ എന്നാണ് വിളിച്ചിരുന്നത്. ജീവനുള്ള ഒരു മത്സ്യമാണതെന്ന് തീരെ അറിയില്ലായിരുന്നു.

മുകളിലെ ചിത്രത്തില്‍ കാണുന്ന ജെല്ലി ഫിഷിനെ കണ്ടത് സിംഗപ്പൂരിലെ സെന്റോസാ ദ്വീപിലെ അണ്ടര്‍‌വാട്ടര്‍ വേള്‍‌ഡിലെ അക്വേറിയത്തിലാണ്. ചിത്രത്തില്‍ കാണുന്ന പിങ്ക് നിറം അതിന്റെ ശരിയായ നിറമല്ല. അക്വേറിയത്തിലെ ലൈറ്റിന്റെ നിറം മാറുന്നതിനനുസരിച്ച് ജെല്ലി ഫിഷിന്റെ നിറവും മാറിക്കൊണ്ടിരുന്നു. മണിക്കൂറുകളോളം നോക്കി നിന്നാലും മടുക്കാത്ത ഒരു കാഴ്ച്ചയാണത്.

ജെല്ലി ഫിഷുകളുമായി ബന്ധപ്പെടുത്തി ഒരു പരിസ്ഥിതി ദുരന്തം നടക്കുന്നുണ്ട്. ജെല്ലി ഫിഷാണെന്ന് തെറ്റിദ്ധരിച്ച് വെള്ളത്തില്‍ ഒഴുകി നടക്കുന്ന പ്ലാസിക്ക് കൂടുകളെ തിന്ന് നൂറുകണക്കിന് പക്ഷികളും മറ്റ് മത്സ്യങ്ങളും വര്‍ഷാവര്‍ഷം ചത്തൊടുങ്ങുന്നുണ്ട്. നമ്മള്‍ അലക്ഷ്യമായി വലിച്ചെറിയുന്ന പ്ലാസ്റ്റിക്ക് കൂടുകള്‍ വരുത്തിവെക്കുന്ന വിന നാമുണ്ടോ അറിയുന്നു ?!