ബൂലോക വള്ളം കളി
ഓണം ഇങ്ങടുത്തു. വള്ളം കളികളൊക്കെ തുടങ്ങുകയായി.
ബൂലോകര്‍ എല്ലാവരും കൂടി ഒരു ചുണ്ടന് വള്ളത്തില്‍ക്കയറി വള്ളംകളി മത്സരത്തില്‍ പങ്കെടുത്താല്‍ എങ്ങിനിരിക്കും?
ആലോചിട്ട് മനസ്സിന്റെ ഇടുങ്ങിയ ഫ്രെയിമില്‍ ആ കാഴ്ച്ച ഉള്‍ക്കൊള്ളാനായില്ല. എങ്കില്‍പ്പിന്നെ ശരിക്കും ഒരു ചുണ്ടന് വള്ളം വാങ്ങി അതില്‍ നല്ല തടിമിടുക്കുള്ള ബൂലോകരെയെല്ലാം കയറ്റി ഒരു വള്ളംകളി സംഘടിപ്പിച്ചാലോ ? പക്ഷെ വള്ളം കളി സീസണായതുകൊണ്ട് ചുണ്ടന് വള്ളം എങ്ങും കിട്ടാനില്ല. മട്ടാഞ്ചേരി ജ്യൂതത്തെരുവില്‍ ഒരു ചുണ്ടന് വള്ളം കിട്ടാനുണ്ടെന്ന് ആരോ പറഞ്ഞുകേട്ടതനുസരിച്ച് അങ്ങോട്ട് വിട്ടു. സംഭവം ശരിയാണ്, ചുണ്ടന് വള്ളം ഒരെണ്ണം കടയിലുണ്ട്. വില എത്രയാണെന്ന് തിരക്കിയപ്പോള്‍ വീണ്ടും നിരാശപ്പെടേണ്ടി വന്നു. അവരത് വില്‍ക്കുന്നില്ല പോലും!
എന്നെക്കണ്ടിട്ട് ഒരു ചുണ്ടന് വള്ളം വാങ്ങാനുള്ള കപ്പാസിറ്റി ഉണ്ടെന്ന് തോന്നുന്നില്ലേ ? ഞാന്‍ അവിടെ ഇരുന്നിരുന്ന ഒരു വലിയ നിലക്കണ്ണാടിയില്‍ വീണ്ടും വീണ്ടും നോക്കി. ഹേയ്………. ചുണ്ടന് വള്ളം വില്‍ക്കാതിരിക്കാനുള്ള കാരണം അതൊന്നുമല്ല. ചുണ്ടന് വള്ളങ്ങളുടെ നീളം എല്ലാവരും കണ്ടിരിക്കുമല്ലോ ? എറണാകുളത്തെ റോഡുകളിലൂടെ ഈ ചുണ്ടന് വള്ളം ലക്ഷ്യസ്ഥാനത്തെത്തിക്കുക അസാദ്ധ്യമായ കാര്യമാണ്.
പിന്നെങ്ങനെ ഇവന്‍ ഈ കടയില്‍ എത്തി എന്ന് ഒരു മറുചോദ്യം വന്നേക്കാം. ഉത്തരം രസകരമാണ്. കടയുടെ കുറച്ച് പുറകിലായി കായലാണ്. കായലിലൂടെ ചുണ്ടന് വള്ളം കടയുടെ പുറകിലെത്തി. അവിടന്ന് കരമാര്‍ഗ്ഗം ചുണ്ടനെ അകത്തേക്ക് കയറ്റാന്‍ വേണ്ടി കടയുടെ ഒന്നുരണ്ട് ചുമരുകള്‍ വെട്ടിപ്പൊളിച്ചു. ചുണ്ടന് വള്ളം കടയ്ക്കകത്തേക്ക് നെഹ്രു ട്രോഫി ഒന്നാം സമ്മാനം നേടിയ ഗര്‍വ്വോടെ കയറിയിരുന്നു.
ഇനിയിപ്പോ ഇതാര്‍ക്കെങ്കിലും വില്‍ക്കണമെങ്കില്‍ കട വീണ്ടും വെട്ടിപ്പൊളിക്കണം. അതുകൊണ്ട് അവര് വള്ളം വില്‍ക്കണ്ടാന്ന് തീരുമാനിച്ചു. നല്ലൊരു കാഴ്ച്ചവസ്തുവായിട്ട് അത് അവിടത്തന്നുണ്ടാകും.
വില്‍ക്കുന്നുണ്ടായിരുന്നെങ്കില്‍ ഇപ്രാവശ്യത്തെ നെഹ്രുട്രോഫി ബൂലോകചുണ്ടനുതന്നെയായിരുന്നു.
(((((ഠോ)))))
വള്ളംകളിക്കുമുന്നേ ഒരു തേങ്ങയടി
ആശാനെ കൊച്ചി മുഴുവന്‍ കറങ്ങി അല്ലേ?
കൊള്ളാം ഫോട്ടോ. (വേറെ ആംഗിളും കൂടി ഒന്നു നോക്കായിരുന്നു. എന്നാലേ നീളം ശരിക്ക് പിടി കിട്ടൂ)
ആദ്യമായിട്ടാണു ഇത്തരമൊരു സംഭവം കാണുന്നത്. ഇതൊരപൂര്‍വ്വ ചിത്രം തന്നെ. നന്ദകുമാര്‍ പറഞ്ഞതു പോലെ വേറെയും ചിത്രങ്ങള്‍ എടുക്കാമായിരുന്നു.
നന്ദന്‍ പറഞ്ഞപോലെ, ചുണ്ടന്റെ നീളമാണ്‌ അവന്റെ ഗുമ്മ്‌. പക്ഷേ പെരയ്ക്കകത്തിരിക്കുന്ന ചുണ്ടന് ഇത്ര ഗുമ്മൊക്കെ മതി.
ഇതേത് ചുണ്ടനാണെന്നു ശ്രദ്ധിച്ചിരുന്നെങ്കില്‍ ഒന്നു പറയണേ.
നടക്കാതെ പോകുന്ന ബൂലോക വള്ളം കളിയെക്കുറിച്ചോര്‍ത്ത് വിഷമിക്കല്ലേ നീരേട്ടാ….
നമുക്കൊരു ബൂലോക “വെള്ളം കളി” നടത്താല്ലോ……
angane okke undarunnel nalla rasamayene alle?
നിരന്‍, നല്ല ചുള്ളന്‍ ചുണ്ടന് തന്നെ.. കൌതുകകരമായ ചിത്രവും കുറിപ്പും.
“ബൂലോകര്‍ എല്ലാവരും കൂടി ഒരു ചുണ്ടന് വള്ളത്തില്‍ക്കയറി വള്ളംകളി മത്സരത്തില്‍ പങ്കെടുത്താല്‍ എങ്ങിനിരിക്കും? “
ഉം.. വേഗം നടന്നതു തന്നെ.
ചുണ്ടന് വെള്ളത്തില്‍ കിടന്ന് വട്ടം കറങ്ങും.. നൂറു ബ്ലോഗേര്‍സ് ഉണ്ടെങ്കില്‍ നൂറ് ദിശയിലേക്ക് തുഴയില്ലേ ?
നന്ദകുമാര്‍ – തേങ്ങായടി കഴിഞ്ഞല്ലോ ? ഇനി തുഴഞ്ഞോളൂ.
ഓ തിത്തിത്താരാ തിത്തിത്തൈ തിത്തൈതക തെയ്‌തെയ്‌തോം.
കുമാരന്‍ – നന്ദന്‍ പറഞ്ഞപോലെ വേറേയും പടമൊക്കെ എടുക്കാന്‍ ശ്രമിച്ചു. പക്ഷെ കണ്ണെത്തുന്നിടത്ത് ക്യാമറ എത്തുന്നില്ല.ക്യാമറ എത്തുമ്പോള്‍ ഫ്ലാഷ് എത്തുന്നില്ല. ഇതിനൊക്കെ പുറമെ പടമെടുക്കാനുള്ള എന്റെ കഴിവിലുള്ള പരിമിതികള്‍ മറ്റൊരുവശത്ത് വിലങ്ങുതടിയായി നിന്നു. ജ്യൂതത്തെരുവുവഴി പോകുന്ന ആരെങ്കിലും നല്ലൊരു പടം എടുത്ത് പോസ്റ്റാക്കണേ…
പ്രാരാബ്ധം – കാരിയ്ക്കാല്‍ ചുണ്ടനാണ് ഇത് എന്നാണ് കടയിലുള്ളവര്‍ പറഞ്ഞത്.
തോന്ന്യാസീ – ‘വെള്ളം കളി‘ കുറെ നടത്തി അവസാനം ഷാപ്പ് പൂട്ടി പിരിഞ്ഞവരാണ് ഞങ്ങള്‍. ഷാപ്പ് മുതലാളി ഇപ്പോള്‍ ആശ്രമം നടത്തി കഴിഞ്ഞ് കൂടുന്നു. അതുകൊണ്ട് ആ കളിക്ക് ഇനി വേറെ ആളെ നോക്കണം
പിരീക്കുട്ടീ – പിന്നെ പിന്നെ…. നല്ല ചേലായിരിക്കും. അടിയുടെ ഇടിയുടെ തൊഴിയുടെ പൂരമായിരിക്കും. പിരിക്കുട്ടി നോര്‍മലായെന്ന് തോന്നുന്നു. അതോണ്ടാ ഇങ്ങനൊക്കെ തോന്നുന്നത്.
ശ്രീലാല്‍ – താങ്കളോട് ഞാന്‍ യോജിക്കുന്നില്ല. 100 ബ്ലോഗേഴ്സ് ഉണ്ടെങ്കില്‍ 110 ദിശയിലേക്കായിരിക്കും തുഴയുക
:)പിന്നെ ചുണ്ടന് വട്ടം കറങ്ങാനൊന്നും നേരം കിട്ടില്ല. അതിന്‍ മുന്‍പുതന്നെ മുങ്ങിത്താഴ്ന്നിട്ടുണ്ടായിരിക്കും 
ബൂലോകത്ത് ഇനി വള്ളം കളിയും നടത്തണോ…
എനിക്ക്, ക്യാമറ ഞെക്കിയാല്‍ പടം എടുക്കാം എന്നതില്‍ ക്കവിഞ്ഞ് അറിവൊന്നും ഇല്ലാത്തതിനാല്‍ പടം
നന്നായിട്ടുണ്ട്(ശരിക്കും )
കടപൊളിച്ച് വള്ളം വച്ചവനെ നമിച്ചേതീരൂ
ഇവിടെ വള്ളം കളിനടക്കാന്‍ വഴിയില്ല പകരം
എല്ലാവര്‍ക്കും കൂടി ഒരു വഞ്ചിപ്പാട്ട് മത്സരം നടത്തികൂടെ???
എന്നാലും ആ വള്ളം കയറ്റാന്‍ വേണ്ടി കട പൊളിക്കേണ്ട വല്ല ആവശ്യവുമുണ്ടായിരുന്നോ..വള്ളത്തിനെ കായലില്‍ തന്നെ വച്ചിട്ട്‌ കടയില്‍ നിന്ന് അങ്ങോട്ടൊരു ലിങ്കിട്ടാല്‍ പോരായിരുന്നോ.. ങാ എല്ലാരും നമ്മള്‍ ബ്ലോഗര്‍മാരെ പോലെ ബുദ്ധിയുള്ളവരായിരിക്കിലല്ലോ, അല്ലേ..
കൊച്ചുത്രേസ്യയുടെ ലിങ്ക് ഇടാനുള്ള കമന്റിനൊരു പൊട്ടിച്ചിരി.. :)) (കമന്റ് വായിച്ച് ഞാനിപ്പോള്‍ ചിരിച്ചുപോയതാണ്, ചൂടാറാതെ ഈ കമന്റ് പെട്ടിയിലിടുന്നു )
കൊള്ളാല്ലോ വീഡിയോണ്‍..!
കൊച്ചുത്രേസ്യമ്മ കലക്കി
കൊള്ളാം! പിന്നെ ഞാന്‍ പോസ്റ്റു ചെയ്ത ‘നീലിമ’ കുടജാദ്രിയിലേക്കുള്ള കയറിയിറക്കങള്‍ക്കിടയില്‍ നിന്ന് കിട്ടിയതാണ്.
ഇനിയെന്നെങ്കിലും അവര് ആ വള്ളം വില്‍ക്കുന്നെന്ന് തീരുമാനിച്ചാല്‍, നീരു അതു വാങ്ങി ബൂലോക വള്ളം കളി നടത്താന്‍ തീരുമാനിച്ചാല്‍, ബൂലോകത്തെ തടിമിടുക്കുള്ളവരെ മാത്രം കേറ്റിയാല്‍ പോരാ, ഞങ്ങളേം കേറ്റണം…
ഹമ്മേഏഏ… എന്നൊയൊന്നുകൊന്നുതരൂ
ലിങ്കിടാന്‍ :):)
നിരക്ഷരാ ,
നമ്മുടെ ആശ്രമത്തിലെ ഓണം വള്ളം കളിക്ക് വേണ്ടി ഈ വള്ളം വാങ്ങിയാലോ :)എത്രയാണ് വില എന്ന് ചോദിക്കുക , കടയും കൂടി ചേര്‍ത്തുള്ള വില പറയാന്‍ പറ .
ഓ തിത്തിത്താരാ തിത്തിത്തെയ്
തിത്തെയ് തക തെയ് തെയ് തോം…
അമ്പാടീ, ഓണം എത്തിയെന്ന് ഓര്‍മിപ്പിച്ചതിനു നന്ദി.
ഇത്തവണത്തെ കാര്യം പോകട്ടെ. അടുത്ത പ്രാവശ്യം നമുക്കൊരു വള്ളം ഏര്‍പ്പാട് ചെയ്യാം.
അമ്പാടീ, കാരിച്ചാല്‍ എന്നല്ലേ ചുണ്ടന്റെ പേര്?
ലതികച്ചേച്ചീ….
കാരിച്ചാല്‍ എന്നുതന്നെയാണ് ചുണ്ടന്റെ പേര്. ടൈപ്പ് ചെയ്ത് പോകുന്നതിനിടയില്‍ നിരക്ഷരത്ത്വം കൊണ്ട് പറ്റിയ തെറ്റാണ്. തിരുത്തിയതിന് നന്ദി.
ഹെന്റമ്മോ…എനിക്ക് വയ്യേ….ഈ കൊച്ചുത്രേസ്യാക്കൊച്ചിന്റെ ഒരു കാര്യം….
ഇനി പുതിയ വള്ളം കിട്ടിയാൽ എന്നേയും കൂട്ടണേ…..
ബ്ലോഗച്ചാല്‍ ചുണ്ട്ന്‍ വെള്ളം ഇനി എന്നാ അണിഞ്ഞൊരുങ്ങുക നിരക്ഷരാ? ഒരു പിടിയാ പിടിക്കാനാ (ആരെയെന്ന് ചോദിക്കണ്ട, തുഴയിന്മേല്‍)
അപൂർവ്വ കാഴ്ച
ആശംസകളോടെ രസികൻ
ചിത്രം കലക്കി..ബൂലോക വള്ളം കളി ഉണ്ടെന്കില്‍ എന്നേം കൂടെ കൂട്ടണേ…ഇല്ലെന്കില്‍ പോകുന്ന എല്ലാവരും കുഞ്ഞെലികള്‍ ആയിപ്പോകും.
ഇവിടെ അടിപിടി കൂടുന്ന ബൂലോകരെ എല്ലാം അതില്‍ കയറ്റിയിരുത്തി എറണാകുളത്തെ റോഡുകളിലേക്ക് ആ വള്ളം അങ്ങു ഇറക്കി……
തള്ളി വിടൂ ഐലേസാ…ഉന്തി വിടൂ ഐലേസാ…….
അത് ചേട്ടനെ ആ കടക്കാര്‍ പറ്റിച്ചതാ….ഞാന്‍ നേരത്തെ അഡ്‌വാന്‍സ് കൊടുത്തിരുന്നു….അതാ അവര് അങ്ങനെ പറഞ്ഞത്….ഹേ…ഹേ…
കാശ് കൂട്ടി തന്നാല്‍ തരാം….കാശില്ലെങ്കില്‍ ചേട്ടന്റെ ഒരു ബ്ലോഗ് എന്റെ പേരില്‍ എഴുതി തന്നാലും മതി…
ചിത്രം ഇഷ്‌ടമായി. ജൂതത്തെരുവിൽ ഇങ്ങനെ ഒരാൾ ഉള്ള കാര്യം ഇപ്പോഴാ അറിയുന്നെ. എപ്പോഴെങ്കിലും പോയിക്കാണാം.
നീരൂ ഇതുള്ളതോ! അതാരേലും മേടിക്കുന്നേനും മുന്നെ ഞാനൊന്ന് പോയിക്കാണട്ടെ.
ഓ.ടോ:- അബുദാബീല്‌ വന്നിട്ട് കാണാതെ മുങ്ങീത് ശെരിയായില്ല.
നിരുഭായി..
പടത്തിന്റെ ഹെഡ്ഡിംങ്ങ് വള്ളത്തെപ്പറ്റിയായിപ്പോയി..എന്നാലും ആ കടയില്‍ നിന്നും വാങ്ങിയ അലാവുദ്ദീന്റെ അത്ഭുത വിളക്കിനെപ്പറ്റിയും സൂചിപ്പിക്കാമായിരുന്നു..! അല്ലാതെ എങ്ങിനെയാ മാഷ് ഈ ലോകമൊക്കെ ചുറ്റിക്കറങ്ങുന്നത്..? ആ ഏറനാടന്‍ പറയുന്നതു കേട്ടിലെ നീരു ഭായി അബുദാബിയില്‍ ചെന്നിരുന്നുവെന്ന്. സജി പറയുന്നു കൊച്ചിയിലുണ്ടെന്ന്..പിന്നെ കോടനാട്,ഭ്രാന്തന്‍ മല, സൂര്യകാലടി മന, വയനാട്.. എന്നുവേണ്ട സിഡ്നി, കാനഡ അമേരിക്ക ഭൂഖണ്ഡങ്ങളിലും വിലസുന്നു…ഇതെല്ലാം ആ അത്ഭുത വിളക്കിനാല്‍..ഞാനീ രഹസ്യ ഭൂതത്തെ പുറത്തുവിടുന്നു..ചുമ്മാ ആലംബന എന്നു പറഞ്ഞാല്‍ മതീല്ലൊ..യേത്
ചോദ്യം : അനോണികളെ തുഴച്ചില്‍ക്കാരായി എടുക്കുമായിരുന്നൊ, മാഷിന് ആ വള്ളം വാങ്ങാന്‍ പറ്റീരുന്നെങ്കില്‍..?
എന്നേകൂടെ കൂട്ടണേ വള്ളംകളിക്കു്.
അതേയ്…ഒരുകാര്യം അറിയാന്‍ വന്നതാ..നിരക്ഷരന്‍ ചേട്ടന്റെ ഒരു കമന്റ് കണ്ടു…ദാ,ഇവിടെ..
https://www.blogger.com/comment.g?blogID=8653285908977428661&postID=3097569491446580298&page=1
ഊം…കളിയാക്കി കൊല്ല് …. മനുഷ്യനെ ഒന്നു നന്നാവാനും സമ്മതിക്കില്ല…ബ്ലോഗന്റെ പേരു അങ്ങേയറ്റം പൈങ്കിളി ആയിപോയെന്നു അറിയാം..ഇനി,പക്ഷെ..മാറ്റുന്നില്ല…ചിറകും,കിനാവും ഒക്കെ അങ്ങനെ തന്നെ കിടക്കട്ടെ..
പക്ഷെ,
നിരക്ഷരന്‍ ചേട്ടന്‍ ഇതു എഴുതി വച്ചത് മനസ്സിലായില്ല.
ഓ.ടോ:- വരികള്‍ക്കിടയില്‍ എന്താണ് നല്ല പുളിച്ച ചീത്ത വിളിച്ചതുപോലെ ചില ക്യാരക്ടറുകള്‍ കാണുന്നത് ? മിക്കവാറും എല്ലാ പോസ്റ്റിലും ഉണ്ടല്ലോ ? ഇനി അത് എന്റെ കമ്പ്യൂട്ടറില്‍ വല്ല വൈറസും കേറിയതോണ്ടാണോ ?
സ്മിത ക്ഷമിക്കണം…
കമന്റിലൂടെ ചിരിക്കണ്ട. ചുമ്മാ അവിടെ ഇരുന്ന് ചിരിച്ചാല്‍ മതി. എനിക്ക് ഇവിടന്ന് കാണാം. 
എനിക്ക് താങ്കളുടെ പോസ്റ്റിലെ വരികള്‍ക്കിടയില്‍ ചില വൈല്‍ഡ് ക്യാരക്ടേഴ്സ് കാണാന്‍ സാധിച്ചു. അന്ന് ഞാന്‍ ഈ പോസ്റ്റ് വായിച്ചത് മറ്റൊരു സിസ്റ്റത്തില്‍ നിന്നാണ്. ഇപ്പോള്‍ എന്റെ സ്വന്തം സിസ്റ്റത്തിലൂടെ നോക്കുമ്പോള്‍ കുഴപ്പമൊന്നും കാണുന്നില്ല. ഞാന്‍ അന്നേ പറഞ്ഞതുപോലെ വല്ല വൈറസിന്റേയും മറ്റും കളിയായിരിക്കും. എന്ത് കളിയാ‍യാലും അത് എന്റെ സൈഡിലായിരുന്നു എന്ന് ഇപ്പോള്‍ ഉറപ്പായി. മനപ്രയാസം ഉണ്ടാക്കിയെങ്കില്‍ ക്ഷമിക്കണം. മനപ്രയാസം ഇല്ലെങ്കില്‍ ഒന്ന് ചിരിച്ചാല്‍ മതി
അതുപറ്റില്ല..എനിക്കിവിടെ വന്നു തന്നെ ചിരിക്കണം… എനിക്ക് പ്രത്യേകിച്ച് ഒരു പണിയും ഇല്ല.മനപ്രയാസം അശേഷം ഉണ്ടായില്ലെന്ന് അറിയിക്കട്ടെ…അപ്പൊ,നിരക്ഷരന്‍ ചേട്ടനും ഒന്നു ചിരിച്ചോളൂ..അങ്ങോട്ട് വന്നു ചിരിക്കണ്ട…ഇവിടെ ഇരുന്നു ചിരിച്ചാല്‍ മതി.എന്നെപോലെ വേലയും,കൂലിയും ഒന്നും ഇല്ലാത്ത ആളല്ലല്ലോ..
അയ്യോ ചിരിക്കാന്‍ മറന്നു…
മതിയോ?
ബുഹാ…ഹാ….ഹാ….
ഇതില്‍ക്കുറഞ്ഞൊരു ചിരി എന്റെ കയ്യിലില്ല….സോറി മുഖത്തില്ല. കേട്ടിട്ട് പഴയകാല മലയാള സിനിമയിലെ വില്ലന്മാരുടെ ചിരിയുമായി സാദൃശ്യം തോന്നുന്നെങ്കില്‍ അത് സ്വാഭാവികം മാത്രം……….സോറി യാദൃശ്ചികം മാത്രം.
ഇപ്പൊള്‍ എവിടാ ? ഉലകംചുറ്റും വാലിബന്‍!!
നല്ല പൊസ്റ്റ് ! നീറ്റില്‍ ഇറങ്ങിയ്യിരുന്ന കാലത്ത്
ഇവനൊരു കേസരി ആയിരിന്നിരിക്കും!!
നിരു…
കാരിച്ചാല്‍ അല്ലാ .. …ഇക്കഴിഞ്ഞ നെഹ്റു ട്രോഫി വിജയി കരിച്ചലാണ്.
(ഈ പറഞ്ഞ കടയില്‍ നിന്നു പോയി ട്രോഫി വാങ്ങി തിരിച്ചു കേറിയതാണോ
?!!??!??!?!??)
കാരിച്ചാലിന്റെ പഴയ വള്ളം ഈ കടക്കാര്‍ക്ക് വിറ്റതായിക്കൂടേ അനോണീ ?
പുതിയ വള്ളമായിരിക്കും ഇപ്രാവശ്യത്തെ നെഹ്റു ട്രോഫി സമ്മാനം നേടിയത്.ഇത് വളരെ പഴക്കമുള്ള വള്ളം തന്നെയാണെന്ന് അവിടെ പോയി നോക്കിയാല്‍ മനസ്സിലാകും .
ഞാന്‍ ആ കടക്കാര്‍ പറഞ്ഞ ഒരു കാര്യം പങ്കുവെച്ചെന്ന് മാത്രം . വായിക്കുന്നവര്‍ക്ക് ഇത്തരം സംശയം ഉണ്ടാകുമെന്ന് തോന്നിയതുകൊണ്ടാണു്‌ ഈ പേരിന്റെ കാര്യം ഞാന്‍ പോസ്റ്റില്‍ പറയാതിരുന്നത്. “പ്രാരാബ്ധം” കമന്റിലൂടെ ചോദിച്ചതുകൊണ്ടുമാത്രമാണു്‌ ഞാനത് വെളിപ്പെടുത്തിയത്.
ഇത്തരം തുറന്ന ചര്‍ച്ചകള്‍ നടത്താന്‍ എന്തിനാണ്‍ മാഷേ അനോണിയായിട്ട് വരുന്നത് ?
ഞാന്‍ നിരക്ഷരനാണെങ്കിലും ഒരു വിശാലമനസ്ക്കന്‍ കൂടെയാണു്‌
എന്തൊക്കെയായാലും , തെറ്റായ വിവരമാണു്‌ ഞാന്‍ ഈ പോസ്റ്റിലൂടെ നല്കിയതെങ്കില്‍ എല്ലാവരോടും നിര്‍വ്യാജം ക്ഷമ ചോദിക്കുന്നു.
ചിലതൊക്കെ അങ്ങനാ, ബോംബെയിലെ ഒരു മാളില്‍ വച്ചിരിക്കുന്ന റോള്‍സ്‌ റൊയ്‌സ്‌ കാണുവാന്‍ ചെന്ന എന്റെ സുഹൃത്തിനെ അതിനടുത്തേക്കു പോലും അടുപ്പിച്ചില്ല
ഇന്ത്യാഹെറിറ്റേജ്‌
AV,無碼,a片免費看,自拍貼圖,伊莉,微風論壇,成人聊天室,成人電影,成人文學,成人貼圖區,成人網站,一葉情貼圖片區,色情漫畫,言情小說,情色論壇,臺灣情色網,色情影片,色情,成人影城,080視訊聊天室,a片,A漫,h漫,麗的色遊戲,同志色教館,AV女優,SEX,咆哮小老鼠,85cc免費影片,正妹牆,ut聊天室,豆豆聊天室,聊天室,情色小說,aio,成人,微風成人,做愛,成人貼圖,18成人,嘟嘟成人網,aio交友愛情館,情色文學,色情小說,色情網站,情色,A片下載,嘟嘟情人色網,成人影片,成人圖片,成人文章,成人小說,成人漫畫,視訊聊天室,性愛,a片,AV女優,聊天室,情色