പ്രശസ്തനായ ഒരു പഴയ രാജാവാകാൻ പറഞ്ഞാൽ,
ഞാൻ ചേരൻ ചെങ്കുട്ടവനാകും.

പ്രശസ്തനായ ഒരു ശാസ്ത്രജ്ഞനാകാൻ പറഞ്ഞാൽ,
ഞാൻ പാമ്പൻ അടിയോടിയാകും.

പ്രശസ്തനായ ഒരു സാമൂഹ്യപ്രവർത്തകനാകാൻ പറഞ്ഞാൽ,
ഞാൻ സർവ്വോദയം കുര്യനാകും.

പ്രശസ്തനായ ഒരു സന്യാസിയാകാൻ പറഞ്ഞാൽ,
ഞാൻ യതിയാകും.

പ്രശസ്തനായ ഒരു എഴുത്തുകാരനാകാൻ പറഞ്ഞാൽ,
ഞാൻ മലയാറ്റൂരാകും.

പ്രശസ്തനായ ഒരു സഞ്ചാരിയാകാൻ പറഞ്ഞാൽ,
ഞാൻ ചിന്ത രവിയാകും.

പ്രശസ്തനായ ഒരു ചിത്രകാരനാകാൻ പറഞ്ഞാൽ,
ഞാൻ നമ്പൂതിരിയാകും.

പ്രശസ്തനായ ഒരു ഗായകനാകാൻ പറഞ്ഞാൽ,
ഞാൻ ഹരിഹരനാകും.

പ്രശസ്തനായ ഒരു സിനിമാക്കഥയിലെ നായകനാകാൻ പറഞ്ഞാൽ, ഞാൻ സോളമനാകും.

പ്രശസ്തനായ ഒരു കായികതാരമാകാൻ പറഞ്ഞാൽ,
ഞാൻ പാപ്പച്ചനാകും.

പ്രശസ്തനായ ഒരു രാഷ്ട്രീയക്കാരൻ* ആകാൻ പറഞ്ഞാൽ,
ഞാൻ നേതാജിയാകും.

പ്രശസ്തനായ ഒരു പാർട്ടിക്കാരൻ** ആകാൻ പറഞ്ഞാൽ,
ആ നിമിഷം ഞാൻ ചെകിടനാകും.

———————————————————————– 
* രാഷ്ട്രത്തിന് വേണ്ടി പ്രവർത്തിക്കുന്നവൻ.
** പാർട്ടിക്ക് വേണ്ടിയും അവനവന് വേണ്ടിയും പ്രവർത്തിക്കുന്നവൻ.